Tresna Jalaran Saka Kulina




“ Tresna Jalaran Saka Kulina “
Dening : Devi Dwi Pindiani


Praupane Wawan wes abang branang kanthi kaya tomat arep njebrot. Dheweke lungguh ing pojokan kantin karo dulinan pulpen ing tangane. Wawan ngelamun ing awang – awang kedadean mau isuk.
Ing Dina Sabtu kang endah, dina sing wayahe bocah – bocah padha seneng amarga sekolah mulih isuk. Kejaba Wawan, dheweke krasa males banget senajan weruh kanyataane dina iki Dina Sabtu. Jam 06:00 Wawan isih mlungker ing ambene karo uleng – uleng guling lan kemule. Srengege wes munggah, manuk – manuk emprit sing nembang melu adu omongan karo wong tuwa sing lagi nyeneni anake. Iyo, kuwi ibune Wawan sing lagi nyeneni dheweke amerga ora tangi – tangi.
“ Le !! tangi Le !!! “. Bengoke ibune sing lagi cepaplakan nyepakake sarapan ing pawon.
Weruh ora ana jawaban ibune mlaku menyang kamare Wawan karo sambat.
“ Duh.. Gusti duwe anak siji kok jan angel temen tuturane “.
“ Waaaaannnn !!!!!! Waaannn!! “.
Bbbyyuuurrrr!!
Senajan kamare Wawan dadi kolam dadakan. Bantal, guling, kemul, sepre, amben, kanthi wong – wonge pisan katut teles wes kaya pepean mamel.
Durung mari Wawan lek ngratapi nasipe, ana bocah sing marani dheweke.
“ Kowe lapo Wan? ”. takone Carolin kanca sak kelase Wawan. Carolin ora sengojo ndeleng Wawan mojok ing kantin lagi nyonggo sirahe karo tangane.
“ Oo.. ora popo kok Lin “. Jawabe Wawan karo swara kaya anak koceng kecepet lawang.
“ Apa amarga sakwise iki pelajaran Basa Inggris? ”. Badheke Carolin sak nyeplose.
Wawan langsung mendelik menyang Carolin sing lagi cengar – cengir  ing sebelahe. Carolin mung mesem weruh tingkahe Wawan kuwi.
Bell pelajaran terakhir wes muni.
“ Good morning everybody”.
“ Good morning Sir”.  Jawabe murid –murid kelas X IPS 2 kejaba Wawan.
Wawan bocah siji – sijine sing ora seneng pelajaran Basa Inggris ing kelase. Dheweke ora seneng amerga gurune ora kepenak lek ngajar lan seneng nanggo Basa Inggris seng Wawan mboh ora ngerti maksude apa. Kanca – kancane padha merhatekake Mr. Lee nerangake. Kabeh murid padha serius lan kadang diseseli geguyonan karo sing diomongne Mr. Lee. Wawan mung ndlongop ora ngerti apa – apa sing diterangne Mr. Lee, nanging dheweke kadang melu ngguyu lan tepuk tangan pisan nalika kancane padha ngguyu lan tepuk tangan. Ananging Wawan pancet ora ngerti lan ora paham apa sing di maksud Mr. Lee. Wawan wes nyoba takon menyang kancane nanging ora ana sing ngreken dheweke. Akhire . . .
“ Wan! “. Mr. Lee nimbali Wawan nanging ora ana jawaban.
“ Wan !! “. Mr. Lee nimbali maleh. Nanging padha ora ana jawaban.
“ Wawan Joinpradana Putra !!!!”. Mr. Lee nimbali kalian muring – muring.
“ Eee.. enggeh Pak “. Jawabe Wawan karo kaget nganti sikile arep mlayu disikan. Mripate abang wis kaya memedi, rambute klimis awut – awutan, lan ana garis transparan ngalir saka tutuke. Kanca – kancane banjur ngguyu ndeleng ilere Wawan. Wawan langsung ngusapi ilere kui karo dasine sing wes muter nganti gegere. Rasa isine Wawan wis ora iso di ungkapno karo paribasan utawa tembung, rupane Wawan wis abang lan mripate saya kaca - kaca arepe nangis .
“ Wacakake Text How To Make ing kaca 19 wan! “. Kengkene Mr. Lee menyang Wawan.
Wawan banjur maca kanthi tangane gemeter lan kringeten. Dheweke maca karo gratul – gratul kaya manuk emprit sing kait iso ngomong. Nanging, nalika dheweke maca. Wawan mara tiba (pingsan).
Ggubbrakkkkk...!!
Senajan ndeleng kuwi Mr. Lee langsung nggawa Wawan menyang UKS.
Ora suwe dheweke tangi, wes cemepak teh anget lan bakpao ing mejo sebelah amben dheweke turu. Nanging ora mung iku, ana bocah wadhon sing lungguh ing pinggirane amben kosong sebelah ambene Wawan, bocah kuwi mung mesem ndeleng Wawan, banjur ngewenehi Wawan bungkusan. Wawan ora ngerti apa isine, nanging bocah wadhon kuwi banjur metu saka UKS. Nalika bocah wadhon kuwi wis metu, Wawan banjur mbukak bungkusan mau. Taraaa... isine yoiku buku kamus Basa Inggris, lan kartu ucapan sing isine  “Tresna Jalaran Saka Kulina. Basa Inggris kuwi gampang pokok kowe sregep sinau, kulina lan seneng marang pelajarane”. Senajan Wawan kaya – kaya ngimpi ditekani widodari sing nggowo kamus Basa Inggris. Dheweke mung ngguyu ndeleng kamus kuwi.
“ Kepriye yen aku tresna? ”. Dheweke meker. “ Tresna kowe maksude ”. Banjur dheweke ngguyu – ngguyu dewe. Wawan wis kaya bocah sing lagi tibo tresno.
Pas Wawan mulih lan teko ing omahe. Dheweke banjur adus, sembayang, ngaji, nyapu lan sinau. Ibune Wawan senajan kaget ndeleng anake dadi sregep.
“ Yaa.. iki anakku sing bagus dewe “. Batine ibune karo njoget – njoget dewe ing ngarep TV.
“ Kowe lapo Buk? “. Pitakone Bapak sing lagi ndeleng tingkahe bojone sing njoget – njoget dewe.
“ Kuwi loh Pak, Wawan sregep  banget. Dasar bocah bagus lak nggeh ngoten toh Pak “. Jawabe Ibu kathon suweneng banget.
“ Loh yo enggeh Buk. Putrane sinten rumiyen toh? Bapakkk”. Gudone Bapak karo ngguyu.
Wawan sing lagi sinau ing kamar moro mbukak kamus iku mau. Iki pertama kaline Wawan sinau Basa Inggris ing omah.  Emboh kepriye dheweke bisa lulus SMP, nalika nilai Basa Inggrise ora apik – apik banget nanging wis lumayan. Dheweke bocah sing seneng usaha, nanging kadang bingung kepriye carane dheweke iso seneng marang pelajaran kuwi. Akhire Wawan bisa nemokake siji alasan geneya dheweke seneng Basa Inggris. Widodari sing nggowo kamus kuwi alasan Wawan.
Senin isuk ing sekolah. Manuk – manuk kenari wes padha nembang gawe Wawan sing lagi bungah atine. Dheweke seneng banget amerga arep ketemu Si widodari. Rambute wes klimis diwenehi pomade, seragame wis di setriko nganti lunyu, lan ora lali Wawan nganggo lenga wangi cap gajah sing diwenehi bapake.
“ Kowe lara tah Wan, kok nggawe lenga puteh? “. Adi kancane takon menyang Wawan.
“ Iyo Di, aku lagi lara kasmaran “.
“ Ora waras bocah iki ”. Adi bengong, dheweke banjur ngaleh karo ngukur – ngukur sirahe sing senajan ora gatel.
Wawan karo Si widodari kuwi sinau Basa Inggris bareng ing perpustakaan sekolah. Wawan seneng banget bisa sinau bareng karo bocah wadhon kuwi, nalika dheweke ora seneng Basa Inggris nanging saiki dheweke wes kulina lan suwe – suwe seneng karo pelajaran kuwi.
Dina Sabtu, pelajaran Basa Inggris. Wawan senajan siap banget melu pelajaran iki.
“ Good morning everybody”.
“ Good morning Sir”.  Jawabe murid –murid kelas X IPS 2.
“ Saiki wayahe wulangan nyanyi lagu Basa Inggris” “ Sapa arep ngewiwiti? “.
“ Kula Sir!!!”. Jawabe salah sawijine murid sing semangat arep nyanyi ing ngarep kelas.
Kabeh mripat padha ndeleng menyang arahe swara iku. Bocah – bocah sak kelas padha ndlongop ndeleng bocah kuwi arep maju.
“ Cause all of me loves all of you . . . . . And you give me all of you”.
Kelas  X IPS 2 padha tepuk tangan gawe Wawan. Iyo Wawan, bocah sing nyanyi kuwi Wawan, Wawan Joinpradana Putra. Dheweke akhire seneng karo pelajaran Basa inggris. Nanging tresnane menyang widodari kuwi ora ketampa. Carolin.  Widodari kuwi dadian karo Adi. Nanging Wawan ora nelangsa amerga tresnane ditolak Carolin, ananging dheweke seneng wes bisa tresna menyang pelajaran. Nyatane dheweke seneng marang pelajaran ora amerga Carolin nanging amerga dheweke wes kulina sinau pelajaran kasebut dadi bisa nggarap soal, nyanyi, nggawe lagu, nganti dadi guru les ing kampunge.
“ Kowe bener Lin, Tresna Jalaran Saka Kulina”.
Carolin mung mesem.

Komentar

Posting Komentar

Postingan populer dari blog ini

Kanca Lan "Kanca"

KANCA LAN “KANCA” DENING : EVITA SAFITRI             Ing sawijining dina urip bocah wadon kang jumlahe ana 6. Jenenge Rena, Safa,Tari,Kila,Via lan Tria. Kabeh bocah iki ben ana ing sekolah mesti bareng. Ing kantin bareng, ngumpul ya bareng, rasae wis kaya lem sing reket banget marang kertase. Rena iku bocah wadon sing nduweni sifat rada ora jelas, maksude ora jelas ning kene iki yaiku tingkat emosi ne berubah ubah, nanging kelebihane Rena iki pinter banget ing pelajaran matematika. Ingkang kaloro yaiku Safa. Safa yaiku bocah wadon kang apik pendiriane, dheweke ya dadi panggonan curhatan saka kanca-kancane. Lanjute yaiku Tari, bocah wadon iki nduweni sifat kang egois banget , yen wis nduweni kanca anyar dheweke gampang nglalikna kanca lawase, nanging dheweke pinter lan gampang tersinggung. Ingkang bocah wadon kepapat jenenge Kila, Kila iki ya meh padha sifate karo Tari, ananging dheweke pinter banget ing pelajaran matema...
Baca selengkapnya

Salah Kaprah

SALAH KAPRAH DENING : Galang Dwi Destanto “he Jak, rene loh ambe aku ngopi bareng, kene loh”. Celuk Indra menyang Jaka sing ana ndek sebrang dalan. Jaka noleh lan marani Indra. “Opo ndra? Ayo wis mulih wis sore”. Jaka ngejak Indra mulih amarga dino wis sore. Indra manut manut wae. Jaka lan Indra iki gedhe bareng, makane arek loro iki kaya mimi lan mintuna sing senengane runtang-runtung bareng. Arek loro iki yo sekolah ing sekolah sing elit ndek Kutha Bedah. Yaiku ing SMA 3 Kutha Bedah. “Arep numpak opo mlaku ae Ndra?”. Takon Jaka menyang Indra, nanging gak direspon ambek Indra. Indra malah ndelengi arek wadon mlaku ing sebrang dalan. Ndeleng koncone gak kethip, Jaka nyenggol lengene indra “He! Ditakoni malah ndeleng cah wadon yokpo toh ndra”. “Hehe, sepurane Jak. Aku ndeleng arek wadon kuwi. Ayu bamget aku kesengsem”. Omong Indra nuding cah wadon mau” “Oh, aku kenal arek iku. Jeneng e Mevally karo Rosa. Kanca sakkelasku”. “Iyo? Kapan kapan kenalno aku ya, ayo wis balik”...
Baca selengkapnya

Skandal Sandal

SKANDAL SANDAL Dening Alifian Nabila             Isuk iki, ibu wis mantun masak lalapan ugi jangan bening kesenengan Irman   kanggo sarapan. Bapak, lungguh ing ngarepan.. mirsani berita akeh bocah bocah enom kang nggawe kisruh ing masyarakat. “ Bu, napa jangane pun mateng?” Irman mlayu ing ngarepe lawang pawon karo nyedak ibune. “ Wis iki lo le.. sabar” Nggawa wakul ing meja makan. “Le, rene rene.. preian iki, kowe aja kakean dolan ae, delokken kae.. bocah bocah sak awakmu pada macak punk punk, digepukki warga” Bapak nyauti saka ruang tamu. “Inggih, pak.. kula dolan kale Tio mawon. Dewekke pun janjian kale kula jam sanga isuk”             Bapak, Ibu lan Irman sarapan sedaya, ugi crita crita babagan kelakuane bocah bocah jaman saiki. Irman lan kanca kancane pada prei skolah, amarga kakak kelase lagi nglaksanaake Ujian Nasional. Dewekke diwanti wanti ...
Baca selengkapnya